“ናብ ወለዶ ዘሰጋግር ዘይኮነስ ፣ባዕለይ ጀሚረ ባዕለይ ክውድኦ እየ ዝብል እዩ” ፕ/ ጌታቸው ረዳ

ኣብቲ ክልላዊ ዋዕላ ዝተረኸቡ ፕሬዝደንት ግዝያዊ ምምሕዳርን ምክትል ኣቦመንበር ህወሓትን ኣይተ ጌታቸው ረዳ ብሰንኪ ሕመቕ ላዕለዎት ኣመራርሓ ህወሓት: ብሰራዊትና ዝተረኸበ ወርቃዊ ዓወት ናብረብሓ ምቕያር ተሳኢኑና መኸተና ኣብ ዕንክሊል ኣትዩ ይርከብ ኢሎም።

ጉባኤ ይካየድ ኣይካየድ ዘይኮነስ ከመይ ይካየድ ኣብ ዝብል ዓብይ ኣፈላላይ ከምዝተፈጠረ ሓቢሮም።ጉዳይ ኣፍልጦ ሕወሓት ፓለቲካዊ ዘተ ክፈትሖ ተረዳዲእና ከለና ውልቀሰባት ብጎኒ ንብሄራዊ መረፃ ቦርድ ደብዳቤ ከምዝለኣኹን ተቐባልነት ከምዘይረኸቡን ገሊፆም።

በዚ ምኽንያት ድማ ኣብ ማእኸላይ ኮሚቴን ኣመራርሓን እቲ ውድብ ዓብይ ኣፈላላይ ከምዝተፈጠረ ገሊፆም።እቲ ዘሎ ኣመራርሓ ፀገሙ ተቐቢሉ ነቲ ውድብ ናብ ወለዶ ዘሰጋግር ዘይኮነስ ፣ባዕለይ ጀሚረ ባዕለይ ክውድኦ እየ ዝብል ሓይሊ እዩ ኢሎም።

እዚ ተፈጢሩ ዘሎ ኣፈላላይ ኣብ ውሽጥና ዝፈጥሮ ፀገም ከምዘሎ ኾይኑ፣ ፀላእትና ክጥቀሙሉ ዕድል ዝፈጥር እዩ ኢሎም።

ኣብቶም ዝሓለፉ ዓመታት ግፍዕን በደልን ፀላእቲ ከምዘሎ ኮይኑ፣ ድኽመት ፖለቲካዊ ምሕደራ እውን ካሊእ ፀገም እዩ ኔሩ ኢሎም።

ውድብ ክትድሕን ትኽእል ሓሳብ ብዘለዎ፣ ንፅባሕ ብዝሓስብን፣ፀገማቱ ተቐቢሎ ቶሎ ብዘመዓራርን ኣካል እዩ ኢሎም ምክትል ኣቦ ወንበር ህወሓትን ፕረዚደንት ግዝያዊ ምምሕዳርን ኣይተ ጌታቸው ረዳ።

ስዓቡና

YouTube

Facebook

TikTok

Instagram